पतीनंतर मोठा मुलगा गेला, 19 वर्षाच्या लेकानंही वर्षभरातच शेवट केला, आईचा आक्रोश, छ. संभाजीनगरात हे काय घडलं?

छत्रपती संभाजीनगर : एका कुटुंबावर गेल्या वर्षभरात दुःखाचे असे सावट आले की, उभा संसारच उद्ध्वस्त झाला. प्रथम वडिलांचे निधन… त्यानंतर काही महिन्यांत मोठ्या मुलाची आत्महत्या… आणि त्या जखमा भरत नाहीत तोच शनिवारी, 15 नोव्हेंबर रोजी 19 वर्षीय धाकट्या मुलानेही गळफास घेतला. एकामागोमाग एक घरातील तिघेजण मरण पावल्याने आईवर कोसळलेले दुःख शब्दांत मावणे कठीण आहे. मनोज तुकाराम मोकासे (वय 19, रा. शफेपूर, ता. कन्नड) असे मृत तरुणाचे नाव आहे.