Crime News : मोबाईमुळे तरुणानं गमावला जीव; मित्रच झाला वैरी, छ. संभाजीनगर हादरलं

छत्रपती संभाजीनगर, अविनाश कानडजे प्रतिनिधी : छत्रपती संभाजीनगर जिल्ह्यातून एक धक्कादायक बातमी समोर आली आहे, या बातमीनं खळबळ उडाली आहे. मोबाईल घेतल्याच्या संशयातून मित्रानेच मित्राची हत्या केली आहे. कन्नड शहरामध्ये ही घटना घडली आहे. सुभाष दगडू कांबळे असं हत्या झालेल्या तरुणाचं नाव आहे. तर अजहर अख्तर आली असं आरोपीचं नाव आहे. या प्रकरणी कन्नड पोलीस ठाण्यात आरोपी अजहर अख्तर अली याच्याविरोधात गुन्हा दाखल करण्यात आला असून, घटनेबाबत अधिक तपास सुरू असल्याची माहिती पोलिसांकडून देण्यात आली आहे.