भाविकांसाठी नवी सेवा, पोस्टाकडून गंगाजल आणि महाप्रसाद मिळणार घरपोच, ऑर्डर कशी कराल?

महाराष्ट्रातील तीर्थक्षेत्रांसह देशातील विविध देवस्थानांचा प्रसाद पोस्टाद्वारे घरपोहोच उपलब्ध करून देण्याची ही सेवा योजना आहे. भीमाशंकर, पंढरपूर, तुळजापूर, शिर्डी, शनि शिंगणापूर, मोहटादेवी, आळंदी, जेजुरी, पाली येथील बल्लाळेश्वर व अन्य तीर्थक्षेत्रांचा तसेच आंध्रातील तिरुपती, गुजरातमधील सोरटी सोमनाथ, उत्तरेतील काशी विश्वनाथ, राजस्थानमधील श्री बाबा रामदेवजी देवस्थानांचा प्रसाद पोस्टाद्वारे भाविकांना मागविता येणार आहे. गंगाजलसाठी जवळच्या पोस्ट कार्यालयात संपर्क व मागणी केल्यानंतर सुविधेनुसार ठरावीक कालावधीमध्ये गंगाजल उपलब्ध होते. 250 मिलिलिटरची गंगाजल बाटलीची किंमत 30 रुपये आहे. ऑनलाइन मागविल्यास पोस्टेज शुल्कासह 121 रुपये लागतात.