'आला आला पावसाळा, पण आपली त्वचा सांभाळा', डॉक्टरांनी दिली महत्त्वाची माहिती

छत्रपती संभाजीनगर : सध्या पावसाळा सुरू झालेला आहे. जसे आपण इतर ऋतूमध्ये आपल्या त्वचेची काळजी घेतो तसंच आपण पावसाळ्यामध्येही आपल्या त्वचेची काळजी घ्यायला हवी. यामुळे आपली त्वचा ही चांगली राहील आणि चेहऱ्यावर ग्लो होईल. म्हणून पावसाळ्यात कशा पद्धतीने त्वचेची काळी घ्यावी, याविषयी त्वचारोग तज्ञ डॉ. अनुपम टाकळकर यांनी सविस्तर अशी माहिती दिली.

लोकल18 शी बोलताना ते म्हणाले की, तुम्ही जर पावसातून भिजून आले असाल तर ओले कपडे अंगात न ठेवता ते कपडे काढावेत. तुम्हाला कोणत्याही प्रकारचे इन्फेक्शन होऊ नये यासाठी आपली त्वचा पूर्ण कोरडी करावी. त्यासोबतच पावसाळा जरी सुरू असला तरी दिवसभरात तुम्ही जास्तीत जास्त पाणी प्यायला हवं. कारण पाणी प्यायल्याने आपली त्वचाही चांगली राहते. जशी आपण उन्हाळ्यामध्ये सनस्क्रीम वापरतो त्यापद्धतीने आपण पावसाळ्यातही दररोज सनस्क्रीम लावायलाच पाहिजे.