भावाबद्दल ते दोनच शब्द ऐकले अन् बहीण कोसळली, एकाच दिवशी..., हृदय पिळवटून टाकणारी घटना

छत्रपती संभाजीनगर : भाऊ–बहिणीचं नातं किती गहिरं, किती माया आणि आपुलकीने बांधलेलं असतं, याची जाणीव करमाड आणि जालना येथील दोन कुटुंबांना एकाच दिवशी टोकाच्या वेदनेतून झाली. निवृत्त शिक्षक दत्तात्रय अंबादासराव राऊत (75, रा. करमाड) यांच्या निधनाची बातमी कळताच मोठी बहीण प्रयागबाई राधाकृष्ण जाधव (82, रा. जालना) हृदयद्रावक धक्क्याने कोसळल्या… आणि अल्पावधीतच त्यांनीही अखेरचा श्वास घेतला. भाऊ–बहिणीच्या अतूट ममतेची ही घटना ऐकून संपूर्ण परिसरात शोककळा पसरली आहे.