दारुसाठी मित्र पैसे देईना, डोक्यात दगड घालून केला खून; स्वत:च पोलिसांसमोर झाला हजर

याबाबत मिळालेली माहिती अशी की, किरकोळ कारणावरून दोघांमध्ये वाद होऊन डोके ठेचून ही हत्या करण्यात आली. रोहीत चौधरी असे आरोपीचे नाव आहे. रात्री पुंडलिक नगर भागातील एका बार समोर या दोन तरुणांमध्ये अचानक वाद सुरू झाला. दहा रुपयांमध्ये दारू मिळते का यावरून त्यांच्यात भांडण सुरू झाले आणि यानंतर या भांडणाचे रूपांतर हाणामारीत झाले. यातच आरोपी रोहितने जवळील गट्टू उचलून समोरील तरुणांच्या डोक्यात घाव घातले. या घटनेनंतर तो स्वतः पोलीस ठाण्यात हजर झाला तर तरुणाचा जागीच मृत्यू झाला

खून झालेला तरुण युपीचा असल्याची माहिती समजते. दोघांनीही एकत्र दारू प्यायल्यानंतर दौलत बंगला इथल्या रुग्णालयासमोर बोलत थांबले होते. तेव्हा रोहितने दारुसाठी पैसे मागितले. ते देण्यास नकार मिळताच रोहितने मित्राच्या डोक्यात दडगाचा गट्टू घातला. यात मित्राच्या डोक्याला गंभीर इजा झाली आणि तो जागीच रक्ताच्या थारोळ्यात पडला. तर रोहित पोलिसांसमोर स्वत: हजर झाला. यानंतर पोलिसांनी घटनास्थळी पोहोचून जखमीला रुग्णालयात नेले. पण त्याचा उपचाराआधीच मृत्यू झाला होता.