Maratha Reservation : जरांगेंच्या निर्णयाने OBC-मराठा संघर्ष टळला, रुग्णालयातून मिळाला डिस्चार्ज

अंतरवाली सराटीला जाणार असते तर लक्ष्मण हाके यांचे उपोषण सुरू होतं तिथूनच जरांगेंचा ताफा गेला असता. त्यामुळे संघर्षाची स्थिती निर्माण झाली असती. जरांगे यांनी वेळ झाल्यानं अंतरवाली सराटी ऐवजी बीड चाकरवाडीला जाण्याचा निर्णय घेतला आहे. जरांगेंच्या या निर्णयाने ओबीसी-मराठा कार्यकर्ते समोरासमोर येणं सध्या टळलं आहे. आज वडी गोद्री फाट्यावर पोलिसांचा जबरदस्त बंदोबस्त लावण्यात आला आहे. ओबीसी समाजाचे आंदोलन वडी गोद्री अंतरवाली सराटी फाट्यावर सुरू आहे. मराठा आणि ओबीसी समाजचा संघर्ष होण्याची शक्यता लक्षात घेता पोलिसांनी आधीच काळजी घेतली आहे. SRPF ची तुकडी आणि दंगल नियंत्रण पथक सुद्धा तैनात केले आहे.