मुख्यमंत्र्याच्या दौऱ्यामुळे अचानक पोलीस भरती रद्द, विद्यार्थ्यांचे हाल, छत्रपती संभाजीनगरमध्ये नेमकं काय घडलं?

मी अकोलावरून या ठिकाणी आलो आहे. माझे वडील हे शेतात काम करतात आणि इथे येण्यासाठी 2 ते 3 हजार रुपये एवढा खर्च येतो. दरवेळेस एवढे पैसे कुठून आणायचे. मागच्या दोन वेळेस सुद्धा असेच कारण सांगून आमची चाचणी पुढे ढकलण्यात आली होती. या वेळेसदेखील आमची चाचणी पुढे ढकलण्यात आली आहे. आम्हाला याची कुठलीही पूर्वकल्पना दिली नव्हती. कुठलाही एसएमएस किंवा मेल देखील यांनी पाठवलेला नाही. तसेच याठिकाणी कुठल्याही प्रकारची सुविधा नाही, झोपण्यासाठी जागा देखील नाही, त्यामुळे मुख्यमंत्र्यांना विनंती आहे की आमची चाचणी लवकरात लवकर घ्यावी, या शब्दात अभिषेक म्हात्रे नावाच्या एका पोलीस भरतीच्या उमेदवाराने आपल्या भावना व्यक्त केल्या.