लेकीपेक्षा आई निघाली चाप्टर! मनोरमा खेडकरच्या हुशारीमुळे पोलीसही वैतागले, फरार बापाचा वेगळाच ड्रामा!

या प्रकरणातील एक महत्त्वाची साक्षीदार असलेल्या मनोरमा खेडकर तपासात सहकार्य करीत नसल्याची माहिती पोलिसांकडून देण्यात आली आहे. पोलिसांनी तिला सकाळी 11 ते संध्याकाळी 6 या वेळेत चौकशीसाठी हजर राहण्याची सूचना दिली होती. मात्र, निर्धारित वेळ संपल्यानंतर ती रबाळे पोलिसांकडे चौकशीसाठी पोहोचली. संध्याकाळी 6 नंतर महिलांची चौकशी करता येत नसल्याने या नियमाचा फायदा घेण्याचा मनोरमा खेडकर हिचा प्रयत्न असल्याचं पोलिसांकडून सांगण्यात आलं. दरम्यान, या प्रकरणातील मुख्य फिर्यादी प्रल्हाद कुमार भीतीमुळे गावाकडे निघून गेला असल्याची माहिती समोर आली आहे. या प्रकरणात दिलीप खेडकर अजूनही फरार आहे. पण जामिनासाठी प्रयत्न करत आहे. या प्रकरणी  पुढील सुनावणी 13 ऑक्टोबर रोजी होणार आहे.

दिलीप खेडकर आणि त्यांचा अंगरक्षक प्रफुल्ल साळुंखे यांनी मिळून तरुणाचे अपहरण केलं होतं. नवी मुंबई पोलिसांकडून तरुणाची सुखरूप सुटक केली असून नुकसानभरपाईच्या वादावरून अपहरण केल्याचं समोर आलं होतं. १४ सप्टेंबरला मुलुंड ते ऐरोली मार्गावर एक सिमेंट मिक्सर ट्रक आणि MH 12 RP 5000 नंबरच्या लँड क्रूझर गाडीमध्ये अपघात झाला होता. मिक्सर वाहन घेऊन जाणाऱ्या तरुणाची गाडी आणि खेडकर यांच्या गाडीचा अपघात झाल्याने दोघांमध्ये वाद झाला. नुकसानभरपाईचे पैसे न दिल्याने खेडकर यांचा पारा चढला. तरुणाला पोलीस ठाण्यात घेऊन जाण्याचे सांगत थेट पुण्याच्या घरी नेऊन डांबून ठेवले.