Eknath Shinde : फडणवीस मुख्यमंत्री होणार? CM शिंदेंनी शाहांच्या विधानांचा दाखला देत स्पष्टच सांगितलं

मुंबई : विधानसभा निवडणुकीत महायुतीत मुख्यमंत्रीपदाचा चेहरा घोषित केलेला नाही. निवडणुकीनंतर तिन्ही पक्ष एकत्र बसून याबाबत निर्णय घेतील असं म्हटलं जातंय. दरम्यान, भाजप नेते अमित शहा यांनी त्यांच्या सभांमधून फडणवीस मुख्यमंत्री होतील असे संकेतही दिले आहेत. पण यावर थेट भाष्य कोणत्याच नेत्याने केलेलं नाही. आता मुख्यमंत्री एकनाथ शिंदे यांनी इंडियन एक्सप्रेसला दिलेल्या मुलाखतीत बोलताना मुख्यमंत्रिपदाबाबत अमित शहांच्या विधानाचा दाखला देत उत्तर दिलंय. शहांनी फडणवीसांना पुन्हा आणणार असं म्हटलं नाहीय आणि शिंदेंच्या नेतृत्वाखाली लढत आहोत असंही सांगितल्याचं एकनाथ शिंदे यांनी मुलाखतीत सांगितलं.