मराठा आरक्षणानंतर नवं मिशन, मनोज जरांगेंचं सीमोल्लंघन, सरकारकडे ९ मागण्या, दिवाळीचं अल्टिमेटम

बीड : मनोज जरांगे यांनी नारायण गडावर आयोजित केलेल्या दसरा मेळाव्याला हजारो मराठा बांधवांनी हजेरी लावली. आपल्या भाषणात जरांगे यांनी मराठा समाजाला अनेक महत्त्वाचे संदेश दिले. मी थोड्या दिवसांचा पाहुणा आहे. मी आहे तोवर समाजाला आरक्षण मिळालेलं पाहायचंय, अशी भावनिक साद जरांगेंनी घातली. मराठा समाजाने शासक आणि प्रशासक व्हायला हवे. प्रशासनात जा, असे आवाहन जरांगे यांनी मराठा समाजाच्या तरुणांना केले. तसेच यावेळी मराठा आरक्षणाच्या लढ्यादरम्यान फितूर झालेल्या लोकांनाही चांगलेच फटकारले. त्याचवेळी शेतकऱ्यांसाठीही लढा पुकारत असल्याचे जरांगे पाटील यांनी स्पष्ट केले.