पूजा खेडकर प्रकरण म्हणजे UPSC नाही तर समाजाची फसवणूक, कोर्टाने सुनावले अन् जामीन पण फेटाळला

पूजा खेडकर यांचा अटकपूर्व जामीन अखेर दिल्ली उच्च न्यायालयाने फेटाळला आहे. पूजा खेडकर यांच्या विरोधात युपीएससीच्या तक्रारीवरून दिल्ली क्राईम ब्रान्चने एफआयआर नोंदवून घेतली होती. त्यानंतर पूजा खेडकर अटकपूर्व जामिनासाठी पटियाला कोर्टात गेल्या होत्या. त्यावेळी पटियाला हायकोर्टाने त्यांचा अटकपूर्व जामीन अर्ज फेटाळला होता. त्यानंतर त्यांनी दिल्ली उच्च न्यायालयात धाव घेतली होती. त्यानंतर दिल्ली उच्च न्यायालयाने आज निर्णय दिला आहे. तसेच या प्रकरणातील गुन्हेगारी उलगडण्यासाठी चौकशी आवश्यक असल्याचे निरीक्षण कोर्टाने नोंदवले आहे.

दिल्ली उच्च न्यायालयाने त्यांना प्रत्येक तारखेपर्यंत अटकेपासून संरक्षण दिले होते. जवळपास आठ ते दहा वेळा सुनावणी झाली . अखेर महिन्याभरानंतर पूजा खेडकर यांचा अटकपूर्व जामीन फेटाळला आहे. यूपीएससीच्या तक्रारीनुसार दिल्ली पोलिसांनी जो गुन्हा दाखल केला होता त्यानुसार पूजा खेडकरांना कधीही अटक होऊ शकते.