Devendra Fadnavis : राज्यात घडामोडींना वेग! फडणवीस यांनी एकनाथ शिंदेंना केला कॉल

मुंबई : काळजीवाहू मुख्यमंत्री एकनाथ शिंदे हे साताऱ्यात त्यांच्या दरे गावी मुक्कामी आहेत. राज्यात सत्तास्थापनेच्या घडामोडी सुरू असताना शिंदे अचानक मूळगावी गेल्यानं ते नाराज असल्याच्या चर्चा रंगल्या आहेत. दरे गावात गेल्यानंतर त्यांची प्रकृती बिघडल्याची माहिती समोर आली. एकनाथ शिंदे यांना ताप आल्याची आणि घशाला इन्फेक्शन झाल्याची माहिती डॉक्टरांनी दिलीय. दरे गावातील निवासस्थानीच त्यांनी उपचार घेतले. दरम्यान, देवेंद्र फडणवीस यांनी एकनाथ शिंदे यांना कॉल केल्याची माहिती सूत्रांनी दिली.