पूरग्रस्त पोरं पाण्यात अन् खासदार सोनवणे होडीवर, कपडे खराब होऊ नये म्हणून शाही दौरा? VIDEO व्हायरल

बीड : परतीच्या पावसाने महाराष्ट्रात हाहाकार उडवला. मराठवाड्यात पावसामुळे शेतीचं अतोनात नुकसान झालं आहे. हातातोंडाशी आलेलं पिक पाण्यात गेलं आहे. नुकसानग्रस्त शेतकऱ्यांच्या मदतीला महाराष्ट्र धावून आला आहे. नेते, मंत्री शेतकऱ्यांच्या बांधावर जाऊन विचारपूस करत आहे. अशातच बीडचे खासदार बजरंग सोनवणे यांनीही पूरग्रस्त भागात जाऊन पाहणी केली. पण, कपडे खराब होऊ नये म्हणून खासदार सोनवणे एका होडीवर बसले होते. गावातील तरुण हे पाण्यातून चालत होडी ओढत होते. या घटनेचा व्हिडीओ सोशल मीडियावर व्हायरल झाला आहे.