कुरकुरीत- खुसखुशीत भजी आणि कोत्तल खाण्यासाठी इथे होते खवय्यांची गर्दी, एकदा चव चाखाच

वडापावमध्ये मुख्यत्वे बटाट्याच्या वड्यासोबत चटण्या आणि हिरवी मिरची असते, तर 'कोत्तल वडा' हा वडासोबत त्यांची सजावट आणि साईटला मुगभजी  म्हणजे मूगडाळ वापरून बनवलेले कुरकुरीत आणि खुसखुशीत भजी असतात. यासाठी भिजवलेली मूगडाळ वाटून, त्यात कांदा, हिरवी मिरची, कोथिंबीर आणि इतर मसाले मिसळून मिश्रण बनवतात. हे मिश्रण गरम तेलात तळून कुरकुरीत भजी तयार केले जातात.

कोत्तल वड्याला विशेष मसालेदार तडका दिला जातो, त्यामुळे त्याची चव आणि लोकांची आवड पाहता मोहन्यामधील हे ठिकाण खूप फेमस आहे. वडापाव हा महाराष्ट्राचा प्रसिद्ध स्ट्रीट फूड जरी असला तरी त्या वडापावचे अनेक प्रकार वेगवेगळ्या पदार्थात बनवण्याचा प्रयत्न लोक करत असले की वडापाव प्रेमी हमखास त्या कडे वळतात. त्याच वडापाव मधला एक पदार्थ म्हणजे कोत्तल होय. ज्यामध्ये पावासोबत बेसनचा लेअर दिला जातो आणि मध्ये वड्याला लागणारी चटणी भरली जाते. अशा स्वरूपात कोत्तल प्रेमींना खाण्यासाठी दिला जातो कोत्तल वडा  हा वडापावचा एक प्रकार आहे, जो लोकांना खूप आवडतो. कारण यामध्ये वड्याला खास तडका दिला जातो. त्यामुळे सदानंद पुजारी यांचा स्टॉल नेहमी कोत्तल वडा आणि मूग भजी खाण्यासाठी रोज अनेकांची गर्दीत भरलेला असतो.