खळबळजनक! ठाकरे गटाच्या युवती सेनेच्या शहराध्यक्षांची हत्या; पतीनेच केला खून
- Published by:Ajay Deshpande
Last Updated:
शिवसेना ठाकरे गटाच्या युवती सेनेच्या शहर प्रमुख राहत सय्यद यांची त्यांच्याच पतीनं चाकूनं वार करत हत्या केली. या घटनेनं जिल्ह्यात खळबळ उडाली आहे.
गडचिरोली, 15 सप्टेंबर, महेश तिवारी : जिल्ह्यातील कुरखेडामधून एक धक्कादायक घटना समोर आली आहे. शिवसेना ठाकरे गटाच्या युवती सेनेच्या शहर प्रमुख राहत सय्यद यांची त्यांच्याच पतीनं चाकूनं वार करत हत्या केली. या घटनेनं जिल्ह्यात खळबळ उडाली आहे. हा हत्येचा थरार गुरुवारी मध्यरात्री दीड वाजेच्या सुमारास घडल्याची माहिती समोर येत आहे. राहत यांचे वडील पहाटे तीन वाजेच्या सुमारास झोपेतून उठल्यानंतर त्यांना राहत रक्ताच्या थारोळ्यात पडलेल्या दिसल्या.
दरम्यान पत्नीची हत्या केल्यानंतर आरोपी पती तायमिन शेख यानं नदीवर जाऊन आंघोळ केली, आणि रक्तानं माखलेले कपडे धुतले. त्यानंतर त्याने सरळ पोलीस स्टेनश गाठून आपण पत्नीची हत्या केल्याची कबुली दिली. पोलिसांनी आरोपीला अटक केली आहे. घटनेबाबत अधिक तपास सुरू असल्याची माहिती पोलिसांकडून देण्यात आली आहे.
विशेष म्हणजे मृत राहत सय्यद यांचा पती आरोपी तायमिन शेख याला काही दिवसांपूर्वी छत्तीसगडमधल्या रायपूर येथे हरणाची शिंगे विक्री प्रकरणात अटक झाली होती. १५ दिवसांपूर्वीच तो जामिनावर सुटून आलेला होता. लग्नाआधी तो मुंबईत फुटपाथावर साहित्य विक्रीचे काम करायचा. लग्नानंतर तायमिन आणि राहत हे दाम्पत्य राहतच्या माहेरीच राहात होते. नेमकी कोणत्या कारणातून ही हत्या झाली हे अद्याप समोर आलेले नाहीये.
Location :
Gadchiroli,Gadchiroli,Maharashtra
First Published :
September 15, 2023 12:21 PM IST
मराठी बातम्या/महाराष्ट्र/गडचिरोली/
खळबळजनक! ठाकरे गटाच्या युवती सेनेच्या शहराध्यक्षांची हत्या; पतीनेच केला खून
