शिवसेना आमदारावर गिरीश महाजन संतापले, शिंदेंना म्हणाले, त्यांना जरा नीट समज द्या...

मुंबई : जिल्हा परिषद आणि पंचायत समित्यांच्या निवडणुकांमध्ये सत्ताधारी पक्षच स्थानिक पातळीवर एकमेकांच्या विरोधात लढत असल्याने आरोप प्रत्यारोपांना अधिकच धार चढली आहे. शिवसेना आमदार सुहास बाबर यांनी मुख्यमंत्री देवेंद्र फडणवीस यांच्याबद्दल एकेरी भाषेत टीका केल्याचा व्हिडीओ व्हायरल झाल्यानंतर भाजपचे नेते तथा मंत्री गिरीश महाजन चांगलेच चिडले. सुहास बाबर यांनी मुख्यमंत्र्यांचा एकेरी उल्लेख करणं चुकीचं आहे. त्यांच्या भाषेवरून एकनाथ शिंदे यांनी त्यांना समज द्यावी, असे गिरीश महाजन म्हणाले.