Gondia News : प्रेम विवाह करायचा असेल तर घरच्यांची परवानगी घ्या नाहीतर..; गोदिंयातील ग्रामपंचायतीचा अनोखा ठराव

गोंदिया, 16 सप्टेंबर, रवी सपाटे : आजच्या युगात प्रेम विवाहाचं प्रमाण मोठ्या प्रमाणात वाढलं आहे. अनेक तरुण, तरुणी आपला जोडीदार स्वत:च निवडतात. त्याच्यासोबतच विवाह करतात. यातील काही प्रेम विवाह हे यशस्वी देखील होतात. मात्र काही प्रकरणात प्रेम विवाहाला घरून विरोध असतो. त्याला अनेक कारणे असतात. यातून पुढे अनेक प्रश्न निर्माण होतात. त्यामुळे असे प्रश्न आणि त्यातून होणाऱ्या समस्या टाळण्यासाठी गोंदिया जिल्ह्यातील सालेकसा तालुक्यातील नानव्हा ग्रामपंचायतीनं एक अनोखा निर्णय घेतला आहे.