सांगलीचं प्रशासन नंबर वन! सात-बाराच्या त्रासातून सुटका होणार, शेतकऱ्यांचा वेळ अन् पैसा दोन्ही वाचणार

Sangali News : सांगली जिल्ह्यातील शेतकऱ्यांसाठी एक अत्यंत आनंदाची बातमी आहे. जमिनीच्या मालकी हक्काचा महत्त्वाचा दस्तऐवज असलेल्या सात-बारा उताऱ्यावरील नोंदी आणि फेरफार प्रक्रिया आता पूर्वीपेक्षा खूपच वेगाने होत आहे. जिल्हा प्रशासनाने राबवलेल्या विशेष मोहिमेमुळे, जे काम पूर्ण होण्यासाठी पूर्वी सहा महिने लागत होते, ते आता अवघ्या तीन महिन्यांत पूर्ण होत आहे. या उल्लेखनीय कामगिरीमुळे फेरफार नोंदीच्या कामात सांगली जिल्ह्याने संपूर्ण राज्यात आघाडी घेतली आहे.