Bharat Taxi : प्रवाशांसाठी खुशखबर! भारत टॅक्सी 1 जानेवारीपासून सुरु; पण ही मोठी अपडेट समोर

या अॅपमुळे प्रवाशांना मोठा दिलासा मिळणार आहे. सध्या ओला-उबरमध्ये पीक आवर्समध्ये भाडे अचानक वाढते. मात्र भारत टॅक्सी अॅपमध्ये अशा अनियंत्रित भाडेवाढीवर नियंत्रण ठेवले जाणार आहे. त्यामुळे प्रवाशांना स्वस्त आणि योग्य दरात प्रवास करता येणार आहे.

भारत टॅक्सी अॅप सहकार टॅक्सी को-ऑपरेटिव्ह लिमिटेड या संस्थेद्वारे चालवले जाणार आहे. या मॉडेलमध्ये ड्रायव्हर स्वतः या व्यवस्थेचा भाग असतील. कारसोबतच ऑटो आणि बाईक टॅक्सी सेवाही या अॅपवर उपलब्ध असणार आहेत. सुरुवातीला हे अॅप दिल्लीत लाँच केले जाणार असून तिथे याची चाचणी यशस्वीरीत्या पूर्ण झाली आहे. आतापर्यंत सुमारे 56 हजार ड्रायव्हर्सनी नोंदणी केली आहे.