धर्मांतरासाठी येणाऱ्यांचा सैराट करा, ११ लाख बक्षीस, पोलिसांचे मी बघून घेईन, पडळकरांचे वादग्रस्त वक्तव्य

सांगली : माझा जीव गेला तरी धर्म बदलणार नाही असे संभाजी महाराजांनी औरंजेबाला सांगितले. संभाजी महाराज यांचे हाल हाल होऊन त्यांचे प्राण गेले पण त्यांनी धर्म बदलला नाही. अश्या धर्मवीर संभाजी महाराजांची विचारांची कन्या ऋतुजा राजगे आहे. तिनेही धर्मासाठी बलिदान दिले. परंतु आपल्या लेकींनी अशी टोकाची पावले उचलायला नको यासाठी आता आपण धर्मांतर घडवून आणण्यासाठी येणाऱ्यांना ठोकून काढण्याची मोहीम सुरू करू, असे सांगत धर्मांतरासाठी येणाऱ्यांचा जो व्यक्ती सैराट करेल (मारून टाकेल) त्याला ११ लाख रुपयांचे बक्षीस भाजप आमदार गोपीचंद पडळकर यांनी जाहीर केले. पोलिसांची काळजी तुम्ही करू नका, पोलिसांचे मी बघतो, असेही पडळकर म्हणाले.