वाल्मीकपेक्षा खूंखार! 5 हाफ मर्डर, 33 दरोडे, गोट्या गित्तेचा काळा इतिहास अंडरवर्ल्डला लाजवणारा

सुरेश जाधव, प्रतिनिधी बीड: परळीतील व्यापारी महादेव मुंडे हत्या प्रकरणातील संशयित आरोपी गोट्या उर्फ ज्ञानोबा गिते मागील अनेक दिवसांपासून फरार आहे. त्याच्यावर बीड पोलिसांनी मोक्का लावला आहे. मात्र त्याचा अद्याप थांगपत्ता लागत नाही. अशात आता गोट्या गितेनं अलीकडेच रेल्वे रुळावर बसून एक व्हिडीओ शेअर केला. ज्यात तो शरद पवार गटाचे आमदार जितेंद्र आव्हाडांसह खासदार बजरंग सोनवणे, सुरेश धस यांना धमकावताना दिसत आहे. हा व्हिडीओ समोर आल्यानंतर आता गोट्या गितेचे विविध कांड समोर येत आहेत. त्यांच्या गुन्हेगारीचे आणि दहशतीचे विविध व्हिडीओ व्हायरल होत आहेत.