Yavatmal News: ग्रामपंचायत फोडली, कागदपत्रं जाळली; ग्रामसभेपूर्वीच 'या' गावात उघडकीस आला कांड!

यवतमाळ : पांढरकवडा तालुक्यातील सायखेडा ग्रामपंचायचीचं कार्यालय फोडून महत्त्वाची कागदपत्रं जाळल्याचा धक्कादायक प्रकार समोर आला आहे. भ्रष्टाचार उघडकीस येऊ नये म्हणून हा प्रकार करण्यात आल्याचा आरोप ग्रामस्थांनी केला आहे. दुसऱ्या दिवशी होणाऱ्या ग्रामसभेच्या पार्श्वभूमीवर ही घटना घडल्यामुळे गावकऱ्यांमध्ये खळबळ उडाली आहे. पोलिसांकडे या घटनेची तक्रार देण्यात आली असून प्रकरणाची तपासणी सुरू आहे.