Thane Rain Update: शहापुरात मुसळधार पावसाचा कहर; तालुक्यातील 40 गावांचा संपर्क तुटला

ठाणे: राज्यात पुन्हा मुसळधार पावसाला सुरुवात झाली आहे. ठाणे जिल्ह्याला देखील हवामान विभागाने रेड अलर्ट दिला होता. जिल्ह्यात शनिवारी (27 सप्टेंबर) रात्रीपासून विविध ठिकाणी पाऊस कोसळत आहे. विशेषत: शहापूर तालुक्याला पावसाने उच्छाद मांडला आहे. शहापूर-किन्हवली रस्ता बंद झाला असून 40 गावांचा संपर्क तुटला आहे. भातसा धरणाचे पाच दरवाजे अडीच मिटरने उघडण्यात आले आहेत. परिणामी धरण क्षेत्रातील गावांना पुराचा धोका निर्माण झाला आहे. सापगावात भातसा नदीचं पाणी शिरलं असून संपूर्ण गाव पाण्याखाली गेलं आहे.