Ganesh Chaturthi 2025: लाडक्या बाप्पाला आणताना गुलाल उधळताय? पण शरिरावर होऊ शकतो असा परिणाम

बीड: येत्या 27 ऑगस्ट रोजी सर्वांच्या लाडक्या गणरायाचं आगमन होणार आहे. त्यामुळे सध्या सर्वत्र गणेशोत्सवाची तयारी सुरू आहे. गणपती बाप्पाच्या या उत्सवामध्ये गुलालाचा वापर अपरिहार्य ठरतो. पण, बाजारात सहज मिळणारा गुलाल बहुतेकवेळा रासायनिक पदार्थांनी युक्त असतो. हा गुलाल त्वचेसाठी, डोळ्यांसाठी तसेच केसांसाठी धोकादायक ठरू शकतो. अनेकदा अशा गुलालामुळे त्वचेवर खाज येणे, लालसरपणा, अॅलर्जी किंवा पुरळ येणे, केस गळणे, तुटणे किंवा कोरडे पडणे असे दुष्परिणाम दिसून येतात. त्यामुळे या वर्षीचा गणेशोत्सव आनंदात आणि सुरक्षितपणे साजरा करायचा असेल, तर गुलाल निवडताना विशेष काळजी घेणे आवश्यक आहे.