एप्रिल ते जून काळजी घ्या! महाराष्ट्रात सुरू होतोय होरपळून टाकणारा उन्हाळा, IMDने दिला मोठा इशारा

महापात्रा यांनी स्पष्ट केले की, पश्चिम आणि पूर्व भारतातील काही भाग वगळता संपूर्ण देशभरात कमाल तापमान सामान्यपेक्षा जास्त राहील. मात्र या दोन भागांमध्ये तापमान सामान्य राहण्याची शक्यता आहे. तसेच बहुतांश भागांमध्ये किमान तापमान देखील सरासरीपेक्षा अधिक राहू शकते.

IMD च्या अंदाजानुसार, एप्रिल ते जून या कालावधीत उत्तर आणि पूर्व भारत, मध्य भारत तसेच उत्तर-पश्चिम भारताच्या मैदानी भागांमध्ये सरासरीच्या तुलनेत दोन ते चार दिवस अधिक उकाडा राहू शकते. सामान्यतः या कालावधीत चार ते सात दिवस उकाड्याचा प्रभाव असतो. मात्र यंदा उत्तर-पश्चिम भारतातील उकाड्याचे दिवस दुपटीने वाढण्याची शक्यता असल्याचे IMD च्या अधिकाऱ्यांनी सांगितले.