Sinhagad Fort: सिंहगडावर फिरायला जाताय? किल्ल्यावरील 'ही' ठिकाणं आवर्जून बघावीत

पुणे: पुणेकरांचं आवडतं पर्यटनस्थळ आणि शिवकालीन इतिहासाचा साक्षीदार म्हणून सिंहगड किल्ला प्रसिद्ध आहे. पावसाळ्यात हिरव्यागार झाडांनी नटलेला हा किल्ला पर्यटकांना जणू एखाद्या चित्रपटातील दृश्यासारखा भासतो. शनिवार-रविवार असो किंवा सुट्टीचा दिवस, पुणे आणि आसपासच्या भागातून हजारो पर्यटक येथे गर्दी करताना दिसतात. गिर्यारोहणाची आवड, ऐतिहासिक वारसा जाणून घेण्याची उत्सुकता आणि निसर्गाचा आनंद घेण्याची ओढ असलेल्यांना सिंहगड किल्ला आकर्षित करत राहतो. या किल्ल्यावर काही ठिकाणं अशी आहेत जी प्रत्येकाने आवर्जून बघितली पाहिजेत.