महिनाभरापूर्वीच बाप्पाच्या खरेदीसाठी भाविकांची लगबग, पाहा मार्केटमध्ये काय आहे खास?

जालना शहरातील नवा मोंढा रस्त्यावर राजस्थानी कलाकार एप्रिल महिन्यापासून गणेश मूर्ती घडविण्याचे काम करत आहेत. प्लॅस्टर ऑफ पॅरिस पासून बनवलेल्या या मुर्तींना आता अखेरचा हात मारण्याचं काम सुरू आहे. राजस्थानमधील चंपालाल बावरी हे दरवर्षी काही महिन्यासाठी जालना शहरात येवून मूर्ती बनवण्याचं काम करतात. सर्वच साहित्य महाग झाल्यानं मूर्ती तयार करण्याचा खर्चात वाढ झाल्याचे चंपलाल सांगतात.

आम्ही पोट भरण्यासाठी राजस्थानातून इथे मार्च - एप्रिल महिन्यात येतो. गणेशोत्सवात गणेश मूर्ती, त्यानंतर दिवाळी साठी विविध आकर्षक वस्तू तयार करतो. सगळ्याच कच्च्या मालाचे दर वाढल्याने नफा कमी झाला आहे, अशी माहिती मूर्तिकार चंपालाल बावरी यांनी दिली.