तब्बल 135 वर्षांची परंपरा, महाराष्ट्रात 'या' ठिकाणी राजा करतो रेवड्यांची उधळण, काय आहे हा प्रकार?

पुर्वी म्हणजेच सन, 1889 पासून होळी उत्सव दांडी पौर्णिमापर्यंत म्हणजेच एक महिना चालायचा. त्यावेळेच्या जालन्यातील काही मित्रांनी एकत्र येतं हत्ती रिसाला समितीची स्थापना केली होती. जास्त दिवस चालणारा सण म्हणून हा उत्सव परिचित असून, पूर्वी लोक शिवीगाळ करीत जास्त प्रमाणात पाणी आणि रंगाचा यासाठी वापर करीत होते. ही परंपरा कमी व्हावी आणि आगळी वेगळी परंपरा चालू व्हावी, या हेतुने विश्वासराव आवळे आणि मित्र कंपनीने सन 1889 वर्षी धुलीवंदन हत्ती रिसाला मिरवणुकीचे आयोजन केले होते.

त्यात राजा, प्रधान आणि भारतमातेचा देखावा करून ही मिरवणूक काढण्यात आली होती. ज्या मार्गाने ही मिरवणूक जाईल त्या मार्गावरील मिरवणुकीनंतर रंग खेळणे बंद होते.  अशी परंपरा असून, ती आजतागायत सुरु आहे. शहरातील रंगार खिडकी, काद्राबाद येथुन सराफा रोड, फुलबाजार, दाना बाजार, शोला चौक, बडीसडक, राम मंदीर, फुल बाजार, महावीर चौक, पाणीवेस कुंभार गल्लीमागे जावून पुन्हा रंगार खिडकी येथे मिरवणुकीचा समारोप होतो, असं हत्ती रीसाला समितीचे अध्यक्ष अंकुश राऊत यांनी सांगितले.