Maratha Reservation : अयोध्येला जाणार का? मनोज जरांगे पाटील यांनी एका वाक्यात दिलं उत्तर

20 तारखेपर्यंत राज्य सरकारला चर्चेची दारं खुले असून अंतरवालीतून आम्ही पाय बाहेर टाकला की सरकारसाठी चर्चेची दारं बंद होतील नंतर चर्चा नाही असंही ते म्हणाले. आंदोलनात हसू होईल असं कृत्य एकाही मराठ्याने आंदोलनात करू नये, फक्त शांत होऊन आंदोलनात बसा असंही ते म्हणाले. आम्हाला आवडलं तर मुख्यमंत्री, दोन्ही उपमुख्यमंत्र्यांच्या मुंबई आणि मतदार संघातील दारात जाऊन बसणार असल्याचा इशारा जरांगे पाटील यांनी दिला.

आता मराठा हे कुणबी असल्याचे ट्रकभर पुरावे सापडलेत. मग आरक्षणात देण्यात अडचण काय आहे? मराठ्यांनी तुमच्यावर कसा विश्वास ठेवायचा? असा सवाल त्यांनी उपस्थित केला. 13 तारखेला ओबीसींची बीडमध्ये सभा होणार आहे. यावर बोलताना तो तुमचा राजकारणासाठी वापर करतोय. आमच्या नोंदी ओबीसींमध्ये सापडल्या आहेत. आम्हाला तिथेच आरक्षण हवंय, त्याचं ऐकून फुकटचं भांडण विकत घेऊ नका, तो इकडे सभेत लोक दाखवतो आणि त्याच्यावरील केसेस मागे घेतो अशी टीकाही जरांगे यांनी भुजबळ यांच्यावर केली. आभाळ आलं की तो फिरतो. त्याला निबार गोळी द्या असा टोला जरांगे पाटील यांनी सरकार आणि भुजबळ यांना मारला.