काय सांगता! शेतकऱ्याच्या शेतात सोयाबीनची उंची चक्क माणसापेक्षाही जास्त, जालन्यात नेमकं काय घडलं?, VIDEO

माळरानावर असलेले पीक सतत पडणाऱ्या पावसाने एवढ्या उंचीचे वाढले की, त्याने माणसापेक्षाही जास्त उंची गाठली. जवळपास 5 फुटांपेक्षा ही अधिक उंचीचे सोयाबीन सुदाम चौधरी या शेतकऱ्याच्या शेतामध्ये वाढले आहे. त्यामुळे परिसरातील शेतकरी आश्चर्य व्यक्त करत आहेत. इतरही शेतकऱ्यांच्या शेतातील सोयाबीनची उंची ही वाढलेली असून अडीच ते 3 फुटांपर्यंत अनेक शेतकऱ्यांच्या शेतातील सोयाबीन वाढला आहे. त्यामुळे उत्पन्नामध्ये 30 ते 40 टक्क्यांपर्यंत घट येण्याची शक्यता सर्व शेतकरी वर्तवत आहेत. मात्र, या शेतकऱ्याचे सोयाबीन थेट 5 फुटांपर्यंत वाढल्याने केवळ 30 ते 40 टक्केच उत्पन्न हातात येईल, असे शेतकरी सुदाम चौधरी यांनी सांगितले.