डर का माहौल है! ठाकरे गटाचे नगरसेवक चक्क जंगलात लपले, शिंदे गट शोधून शोधून थकलं

कल्याण-डोंबिवली महानगरपालिका निवडणुकीचे निकाल लागताच शहरात हायव्होल्टेज राजकीय ड्रामा सुरू झाला आहे. संख्याबळ वाढवण्यासाठी शिवसेना (एकनाथ शिंदे) पक्षाकडून ठाकरे गटाच्या नगरसेवकांना फोडण्याचा प्रयत्न केला जात आहे. फोडाफोडीच्या राजकारणातून एक धक्कादायक प्रकार समोर आला आहे. शिंदे गटाच्या दबावाला आणि प्रलोभनांना कंटाळून कल्याण पूर्वेतील ठाकरे गटाचा एक नवनिर्वाचित नगरसेवक चक्क मलंगगडच्या जंगलात लपून बसल्याची चर्चा सध्या राजकीय वर्तुळात रंगली आहे.