सातारा हादरलं! ओल्या फरशीवर पाय पडला अन्.., कराडमध्ये तरुणाची निर्घृण हत्या
- Published by:Ravindra Mane
Last Updated:
कराडमध्ये एका मोबाईलच्या दुकानात नवीन मोबाईल बदलून देण्यावरुन झालेल्या वादावादीत एका युवकाचा मृत्यू झाल्याची दुर्दैवी घटना घडली आहे.
विशाल पाटील, प्रतिनिधी कराड: सातारा जिल्ह्यातील कराड शहरात एक धक्कादायक घटना घडली आहे. येथील बस स्थानक परिसरात एका मोबाईलच्या दुकानात नवीन मोबाईल बदलून देण्यावरुन झालेल्या वादावादीत एका युवकाचा मृत्यू झाल्याची दुर्दैवी घटना घडली आहे. अखिलेश नलवडे (वय २१, गजानन सोसायटी, कराड) असे या मृत युवकाचे नाव आहे. या प्रकरणी पोलिसांनी दुकानातील कर्मचारी अजीम मुल्ला (शिवाजीनगर, मलकापूर) याला ताब्यात घेतले आहे.
याबाबत अधिक माहिती अशी की, कराड बस स्थानक परिसरात असलेल्या एका मोबाईल शॉपीतून तीन दिवसांपूर्वी अखिलेशने एक नवीन मोबाईल घेतला होता. मात्र, त्या मोबाईलचा कॅमेरा व्यवस्थित काम करत नसल्याने तो बदलून घेण्यासाठी तो रात्री साडेआठच्या सुमारास आपल्या दोन मित्रांसोबत दुकानात गेला होता.
त्यावेळी मोबाईल बदलण्यावरून दुकान मालक आणि अखिलेश यांच्यात वाद सुरू झाला. त्याचवेळी दुकानात फरशी पुसण्याचे काम सुरू होते. अखिलेशच्या चपलेने फरशी घाण झाल्यामुळे वाद अधिकच वाढला. यावेळी दुकानातील कर्मचाऱ्याने अखिलेशला जोरदार धक्का दिला. यामुळे तो अचानक जमिनीवर पडला.
advertisement
अखिलेश जमिनीवर पडल्यानंतर त्याच्या मित्रांनी त्याला तातडीने कराडच्या उपजिल्हा रुग्णालयात दाखल केले. मात्र, डॉक्टरांनी त्याला मृत घोषित केले. या घटनेमुळे कराड शहरात हळहळ व्यक्त होत आहे. पोलिसांनी या घटनेची नोंद घेतली असून पुढील तपास सुरू आहे.
view commentsLocation :
Karad Rural,Satara,Maharashtra
First Published :
September 20, 2025 7:44 AM IST
मराठी बातम्या/महाराष्ट्र/
सातारा हादरलं! ओल्या फरशीवर पाय पडला अन्.., कराडमध्ये तरुणाची निर्घृण हत्या
