पत्नीशी करत होता चॅटिंग, पती तुरुंगातून आला बाहेर, 'त्या' तरुणाचं केलं अपहरण अन् इतका मारला की...

कोल्हापूर : पत्नीशी मोबाईलवर चॅटिंग केल्याच्या रागातून एका सराईत गुन्हेगाराने आपल्या साथीदारांच्या मदतीने एका तरुणाचे अपहरण करून त्याला बेदम मारहाण केल्याची धक्कादायक घटना कोल्हापूर जिल्ह्यातील करवीर तालुक्यात घडली आहे. ऋतुराज दत्तात्रय भिलगुडे (वय-25, रा. मोरेवाडी, ता. करवीर) असे या मुख्य आरोपीचे नाव असून, त्याच्या पाच सहकाऱ्यांनी मिळून आदिनाथ कृष्णात कुईगडे (वय-30, रा. शिंगणापूर, ता. करवीर) याचे अपहरण केले. हा प्रकार रविवार (27 जुलै) रात्री घडला. या प्रकरणी आदिनाथची पत्नी श्रुतिका कुईगडे यांनी करवीर पोलीस ठाण्यात तक्रार दाखल केली असून, पोलिसांनी तात्काळ कारवाई करत सहा आरोपींना अटक केली आहे.