'ई-शिवाई' लय भारी! प्रवाशांनी शिवनेरी-शिवशाहीकडे फिरवली पाठ; कोल्हापूरकर म्हणतात की...

कोल्हापूर : कोल्हापूर ते पुणे प्रवास करणाऱ्या प्रवाशांनी आता ‘ई-शिवाई’ बसला पसंती दिली आहे. ई-बसमधील प्रवास आरामदायी असल्याने शिवनेरी आणि शिवशाही बसमधील प्रवाशांची संख्या कमी झाली आहे. मात्र, मागणीच्या तुलनेत बसची संख्या कमी असल्याने प्रवाशांना अनेकदा वाट पाहावी लागते. सध्या कोल्हापूर आणि स्वारगेट आगारातून प्रत्येकी 6 अशा एकूण 12 ई-शिवाई बसेस धावत आहेत. प्रवाशांची वाढती गर्दी लक्षात घेता, बसेसची संख्या वाढवण्याची मागणी जोर धरत आहे.