ST Service: दोन दिवसांत अष्टविनायक दर्शन! महिला आणि ज्येष्ठांना मिळतेय विशेष सवलत

पुणे: येत्या 12 ऑगस्ट रोजी असलेल्या अंगारकी चतुर्थीच्या पार्श्वभूमीवर गणेशभक्तांसाठी एक आनंदाची बातमी समोर आली आहे. महाराष्ट्र राज्य मार्ग परिवहन महामंडळाच्या वल्लभनगर (पिंपरी-चिंचवड) आगारातून भाविकांसाठी अष्टविनायक दर्शनासाठी विशेष बससेवा सुरू करण्यात आली आहे. या सेवेद्वारे भाविकांना महाराष्ट्रातील आठ प्रसिद्ध गणपती मंदिरांचे दर्शन घेता येणार आहे. एस.टी. महामंडळाच्या या उपक्रमामुळे भाविकांना सुरक्षित, सोयीस्कर आणि वेळेवर अष्टविनायक यात्रा पूर्ण करण्याची संधी मिळणार आहे.