गृह प्रवेशाला विधवांना मान, शाहूनगरीत प्रबोधनाचा नवा आदर्श, Video

खरंतर दीपक यांच्या आई उमा वावरे यांचे पाच वर्षांपूर्वी निधन झाले होते. सध्याचे नवे घर हे त्यांचे स्वप्नातील घर आहे. मात्र नव्या घराच्या गृहप्रवेशावेळीच्या परंपरा दीपक यांना नातेवाईकांकडून समजल्या. तेव्हा जर आपली आई आज जिवंत असती, तर तिला देखील विधवा असल्याने या शुभ कार्यांपासून दूर राहावे लागले असते. म्हणूनच दीपक वावरे यांनी सुहासिनींऐवजी विधवा महिलांना सन्मान देण्याचे ठरवले. त्यांच्या या निर्णयाचे सर्व कुटुंबीयांनी स्वागत करत त्यांना पाठबळ दिले. त्याचबरोबर आपण शाहूंच्या नगरीत राहतो, शाहू महाराजांनी कधीच अनिष्ट रूढी परंपरांना थारा दिला नाही. त्यांच्याच विचारांचे पालन मी करत असल्याचे मत देखील वावरे यांनी व्यक्त केले आहे.

यावेळी गृहप्रवेश करताना दीपक वावरे यांनी विधवा महिलांना आदरपूर्वक आमंत्रण दिले. नव्या वास्तूचा गृहप्रवेश करताना सात सुवासिनींचे पूजन करून त्यांना जेवण वाढण्याची परंपरा आहे. मात्र दीपक यांनी या सर्व विधवा महिलांचे पाद्यपूजन करवून घेतले. मग सुरुवातीला त्यांना जेवायला वाढून मगच गृहप्रवेश कार्य पूर्ण केले.