Kolhapur Rain: कोल्हापुरात ढगफुटी, राजाराम बंधाऱ्यावर कचऱ्याची लाट, तब्बल 50 टन कचऱ्याचा डोंगर

कोल्हापूर: गुरुवारी सायंकाळी विजांच्या कडकडाटासह झालेल्या ढगफुटीसदृश पावसाने कोल्हापूर शहर आणि जिल्ह्याला अक्षरशः झोडपून काढले. या मुसळधार पावसामुळे ओढे-नाले तुडुंब भरून वाहू लागले, तर शाळा आणि कार्यालयांतून घरी परतणाऱ्या विद्यार्थी आणि नागरिकांना प्रचंड त्रास सहन करावा लागला. या पावसाच्या माऱ्याने कोल्हापुरातील राजाराम बंधाऱ्यावर नाल्यामधून वाहून आलेल्या कचऱ्याचा मोठा ढीग साचला आहे. यामध्ये नागरिकांनी बेफिकिरीने फेकलेल्या प्लास्टिकच्या बाटल्या, पिशव्या आणि इतर कचऱ्यासह मृत मासेही मोठ्या प्रमाणात आढळून आले आहेत. या कचऱ्यामुळे बंधाऱ्याचे सौंदर्य आणि स्वच्छता धोक्यात आली आहे.