Latur News : बँका सरकारचंही एके ना! लातूरमध्ये शेतकऱ्यांसोबत धक्कादायक प्रकार, मनसेचे कार्यकर्ते बँकेत धडकले

Latur News : मराठवाड्यात आलेल्या अतिवृष्टीमुळे शेतकऱ्यांची जमीन खरडून गेली आहे.पिंकांचेही अतोनात नुकसान झाले आहे.त्यामुळे शेतकरी पुर्णपणे खचलेला आहे. अशा भीषण परिस्थितीत शेतकरी पुन्हा आपल्या पायावर उभं राहण्याचा प्रयत्न करत असताना बँकांनी कर्जवसूलीसाठी शेतकऱ्यांना नोटीस पाठवल्याची घटना घडली आहे. विशेष म्हणजे काही दिवसांपूर्वीच मुख्यमंत्री देवेंद्र फडणवीस यांनी आपत्तीग्रस्त शेतकऱ्यांकडील कर्जाची वसूली थांबवण्याचे आदेश दिले होते. पण मुख्यमंत्र्यांच्या या आदेशाला लातूरात उल्लंघन होताना दिसत आहे.त्यामुळे महाराष्ट्र नवनिर्माण सेनेने बँकांच्या शाखात जाऊन इशारा दिला आहे.