Shirdi Nagarparishad Election 2025 : साईबाबांच्या शिर्डींत कुणी उधळला गुलाल? ठाकरे सेना-काँग्रेसला दणका, भाजप सुस्साट

शिर्डी : जगभरातील कोट्यवधी साईभक्तांचे श्रद्धास्थान असलेल्या शिर्डी नगरपरिषदेची यंदाची निवडणूक केवळ स्थानिक स्वराज्य संस्थेपुरती मर्यादित राहिलेली नाही, तर ती राज्यातील सर्वात प्रतिष्ठेच्या निवडणुकांपैकी एक ठरली आहे. २ डिसेंबर रोजी पार पडलेल्या या निवडणुकीत नगराध्यक्ष पदासाठी तब्बल सात उमेदवार रिंगणात उतरले असून, भाजप (विखे पाटील गट) आणि लोकक्रांती सेना (पुरोहित गट) यांच्यात अटीतटीची लढत रंगली. मात्र भाजपचे नगराध्यक्ष पदाचे उमेदवार  जयश्री विष्णुपंत थोरात विजयी झाल्या आहेत. तर कॉंग्रेस आणि शिवसेना उबाठा गटाला मोठा धक्का बसला आहे. अपक्ष वगळता महायुतीचे सगळे उमेदवार विजयी झाले आहेत.