Jalgaon Lok sabha Election Result 2024: जळगाव, रावेरमध्ये भाजपचीच हवा; दोन्ही जागांवर आघाडीवर

जळगाव : जळगावमधील रावेर आणि जळगाव या दोन्ही मतदारसंघात भाजपने आघाडी घेतली आहे. निकालाचे पहिले कल हाती आले असून रक्षा खडसे आणि स्मिता वाघ आघाडीवर आहेत. जळगाव लोकसभा मतदारसंघ हा भाजपचा बालेकिल्ला म्हणून ओळखला जातो. यावेळी या मतदारसंघात भाजपच्या स्मिता वाघ या महायुतीच्या उमेदवार आहेत. तर महाविकास आघाडीच्या वतीने उद्धव ठाकरेंच्या शिवसेनेतील करण पवार यांना उमेदवारी देण्यात आली. आतापर्यंत समोर आलेल्या आकड्यांनुसार सध्या करण पवार यांच्यापेक्षा स्मिता वाघ या 15,225 मतांनी आघाडीवर आहेत. करण पवार यांना 14477 तर स्मिता वाघ यांना 29702 मतं मिळाली आहेत.