Devendra Fadnavis : राज ठाकरेंचं इंजिन महायुतीच्या यार्डात येणार? मोदींच्या सभेआधी फडणवीसांनी क्लिअर केलं

चंद्रपूर : लोकसभा निवडणुकीसाठी महायुतीच्या उमेदवारांच्या प्रचाराला सुरूवात झाली आहे. आज पंतप्रधान नरेंद्र मोदी महाराष्ट्रातल्या प्रचाराचा नारळ फोडणार आहेत. चंद्रपूरमध्ये पंतप्रधान नरेंद्र मोदींची सभा होत आहे. या मतदारसंघात भाजपकडून सुधीर मुनगंटीवार यांना उमेदवारी देण्यात आली आहे. पंतप्रधान मोदींच्या सभेसाठी भाजप तसंच महायुतीचे सगळेच नेते चंद्रपूरमध्ये दाखल होत आहेत. पंतप्रधान नरेंद्र मोदी यांच्या चंद्रपूरमधल्या सभेआधी उपमुख्यमंत्री देवेंद्र फडणवीस यांनी माध्यमांशी संवाद साधला. राज ठाकरे महायुतीमध्ये येणार का नाही? यावरच्या प्रश्नावरही देवेंद्र फडणवीस यांनी भाष्य केलं.