Maharashtra Elections : मुंबईतील 'या' जागांचा कौल कोणाला? विधानसभेच्या मैदानात शिवसेना विरुद्ध शिवसेना मुकाबला

राज्याच्या राजकारणात शिवसेना हा गेल्या अनेक दशकांपासून प्रमुख राजकीय पक्ष राहिल आहे. पण सध्याच्या विधानसभा निवडणुकीत याच शिवसेनेतून निर्माण झालेले तीन पक्ष एकमेकांच्या विरोधात लढताना दिसत आहे. देशाच्या आर्थिक राजधानीत मराठी माणसांच्या न्याय हक्कासाठी स्थापन झालेली शिवसेना आज अस्तित्वाची लढाई लढतेय. शिवसेनाप्रमुख बाळासाहेब ठाकरे यांनाच दैवत मानणारे तीन पक्ष आज एकमेकांच्या विरोधात लढताना दिसतायत. आगामी विधानसभा निवडणुकीत शिवसेना उद्धव बाळासाहेब ठाकरे विरुद्ध शिंदेंची शिवसेना विरुद्ध महाराष्ट्र नवनिर्माण सेना अशा लढती मुंबईतील अनेक मतदारसंघात पाहायला मिळणार आहेत.

मुंबईत मोजक्या मतदारसंघात मनेसेनं त्यांचे उमेदवार उभे केले आहेत. तर महाविकास आघाडी आणि महायुतीच्या जागावाटपात दोन्ही शिवसेनेकडून उमेदवार देण्यात आले आहेत. त्यामुळे शिवसेनाप्रमुख बाळासाहेब ठाकरेंच्या विचारांवर चालणारे हे तीन पक्ष, त्यांचे कार्यकर्ते आता एकमेकांविरोधातच उभे ठाकणार आहे.