Maharashtra Elections Ajit Pawar Sharad Pawar : काकांवर विकृत टीका, सदाभाऊंवर अजितदादा संतापले, थेट फोन करून सुनावले खडे बोल

शरद पवारांवरील टीकेमुळे राज्याच्या राजकारणात सुरू असलेल्या टीकेच्या पातळीचा मुद्दा ऐरणीवर आला. आज सकाळी पुण्यात बोलताना अजित पवार यांनी सदाभाऊ खोत यांच्या टीकेचा समाचार घेतला. अजित पवारांनी म्हटले की, महाराष्ट्राचे पहिले मुख्यमंत्री यशवंतराव चव्हाण यांनी सुसंस्कृत राजकाण कसं करायचं असतं, सुसंस्कृतपणे कसं बोलायचं असतं, कंबरेखालचे वार कसे करायचे नसतात, याचे उदाहरण घालून दिलेले आहे. काही आरोप-प्रत्यारोप होत असतात. परंतु ते मांडण्याची एक पद्धत असते. तेच आपल्याला त्यांनी शिकवलेलं आहे.