मतदानाआधी ठाकरे गटाच्या उमेदवाराचा मृत्यू, निवडणूक आयोगाने उचललं महत्त्वाचं पाऊल

नाशिक जिल्ह्याच्या मनमाड नगर परिषदेच्या निवडणुकीबाबत राज्य निवडणूक आयोगाने महत्त्वाचा निर्णय घेतला आहे. निवडणूक आयोगाने प्रभाग क्रमांक १० 'अ' मधील निवडणूक स्थगित केली आहे. या प्रभागातून निवडणूक लढणारे शिवसेना ठाकरे गटाचे अधिकृत उमेदवार नितीन वाघमारे यांचा सोमवारी (२४ नोव्हेंबर) रात्री मृत्यू झाला होता. मतदानाच्या आधीच उमेदवाराचा मृत्यू झाल्याने याठिकाणची निवडणूक थांबवावी, अशी याचिका निवडणूक आयोगाकडे दाखल करण्यात आली होती. आता यावर निवडणूक आयोगाने मोठा निर्णय घेतला.