Crime: बिर्याणीच्या वजनावरून दोघे भिडले, त्याने एका बुक्कीत खाली पाडलं, बापाला पाहून लेक ढसाढसा रडली VIDEO

पाली, रायगड: राज्यात रोज नवनव्या धक्कादायक घटनांचा उलगडा होत आहे. मारहाण, खून अशा घटना सातत्याने समोर येत आहेत. आता रायगडच्या पालीमधून एक धक्कादायक घटना समोर आली आहे. ज्यामध्ये दोन  तरूणांमध्ये तुंबळ हाणामारी झाल्याचं दिसत आहे.

या वाद इतका जोरदार होता की काही काळाने यातील एकजण गंभीर जखमी होवून खाली कोसळला. यातील एकाच्या डोक्याला मार लागल्याने तो बेशुद्ध झाला. पुढे मारहाण करणाऱ्या करणाऱ्या तरूणानेच दुसऱ्या व्यक्तीला हॉटेलमध्ये नेले. ही घटना सीसीटीव्ही कॅमेऱ्यात देखील कैद झाली आहे. पुढे या व्यक्तीवर उपचार करण्यात आल्याची माहिती देखील समोर येत आहे.

दुसरीकडे मारहाण करणाऱ्या तरूणावर पोलीस ठाण्यात गुन्हा दाखल करण्यात आला आहे. त्याच्यावर पुढे कारवाई केली जाणार आहे. परंतु, राज्यातील या रोज घडणाऱ्या अशा घटना निश्चितच चिंता वाढवणाऱ्या आहेत. पोलीस प्रशासनाने यावर विशेष काम करण्याची गरज जनतेतून व्यक्त केली जात आहे.