Beed: बिहारलाही लाज वाटेल असा बीड! अल्पवयीन मुलीसोबत भयानक घडलं, पोलीसही झोपले

बीड:  बीड आता बिहारच्याही पुढे गेला असं म्हटलं तर चुकीचं ठरणार नाही. कारण, बीडमध्ये मारहाण, हत्या आणि अपहरणाच्या घटना काही केल्या कमी होत नाहीये. दररोज अपहरण आणि हत्येच्या घटना घडत आहे. अशातच शिरूरमध्ये एका अल्पवयीन मुलीचं अपहरण करून हातपाय बांधून शेतात फेकून दिल्याची संतापजनक घटना समोर आली आहे. या पीडित मुलीसोबत ही तिसऱ्यांदा घटना घडली आहे. पीडितेच्या कुटुंबीयांनी पोलिसांनी या प्रकरणात दुर्लक्ष केल्याचा आरोप केला आहे.