स्टुडिओच्या खिडक्यांना सेन्सर लावून पोरांना डांबलं, छर्ऱ्याच्या बंदुकीतून पोलिसांवर गोळीबार करणारा रोहित आर्य कोण?

मुंबई : मुंबईतल्या पवईत भर दुपारी ओलीसनाट्याचा थरार रंगला. आरए नावाच्या स्टुडिओत एका माथेफिरून 17 मुलांना ओलीस ठेवलं. वेबसिरिजच्या ऑडिशनसाठी ही मुलं पवईत आली होती. दुपारी दीड वाजून गेल्यानंतरही मुलं जेवण्यासाठी बाहेर न आल्यानं पालकांना संशय आला. तब्बल दोन तासांनी आरोपी रोहित आर्यनं एक व्हिडिओ जारी केला. यामध्ये मुलांना जाळून टाकण्याची धमकी त्यानं दिली. तत्परता दाखवत स्थानिकांच्या मदतीनं मुंबई पोलिस इमारतीच्या बाथरूममध्ये शिरले. त्यानं पोलिसांवर गोळीबार केल्यानंतर पोलिसांनी त्याच्यावर गोळीबार केला. यात तो जखमी झाल्यानंतर त्याला रुग्णालयात हलवण्यात आलं मात्र काहीवेळानं त्याचा मृत्यू झाल्याची माहिती समोर आली.