VIDEO: लाडकी बहीण योजना मतांसाठी केलेला जुगाड, भाजप आमदाराचे वक्तव्य

विरोधकांच्या टीकेचा राज्य सरकारवर कुठलाही परिणाम होत नाही. व्हिडीओ व्हायरल करणे हे विरोधकांचे कामच आहे. ही योजना जुमला आहे असं विरोधक म्हणायचे. सरकारी योजना लोकांना लाभ देण्यासाठी असतात. राज्यातील जनता मुख्यमंत्री माझी लाडकी बहीण योजनेवर प्रचंड खुश आहे. त्यामुळे याचा येणाऱ्या काळात फायदा होऊ शकतो, असेही आमदार टेकचंद सावरकर म्हणाले.

दुसरीकडे राज्याचे विरोधी पक्षनेते विजय वडेट्टीवार यांनी टेकचंद सावरकर यांच्यावर बोचरी टीका केली. महायुतीची भानगड पुढे आली असून त्यांना मतांचा दुष्काळ आहे. म्हणून लाडकी बहीण योजना मतांसाठी केलेला जुगाड आहे, असे भाजपच्या या आमदाराने मान्य केलं. महायुतीतील सर्व नेते खोटं बोलतात. लाडकी बहीण योजना माता भगिनींना लाभ देण्यासाठी नव्हे तर मत पेटीतून लाभ घेण्यासाठी आहे, अशी टीकाही वडेट्टीवार यांनी केली.