वय फक्त आकडा, 63 वर्षांचे आजोबा 175 किलो वजन सहज करतात लिफ्ट

2018 साली मी माझ्या पोलिसी पेशातून निवृत्त झालो. मला लहानपणा पासूनच अनेक खेळामध्ये रुची राहिली आहे. त्यात शालेय जीवनात मी उत्तम कबड्डी, कुस्ती खेळत होतो. त्यातूनच माझी शरीरयष्टी तयार झाली. पोलीस विभागात नोकरी लागल्याने कायम तदुरुस्त राहणे व्यायाम करणे हा एक दिनचारियेचा भाग झाला. त्यातूनच मी जिम जॉईन केली. कालांतराने मला केवळ फिट रहाणे, बॉडी बनवणे या पुढे जाऊन या सलग्न अनेक क्रीडा प्रकार देखील आहेत या बद्दल माहिती झाले आणि मी या खेळातील पावर लिफ्टिंग खेळाकडे वळलो, अशी माहिती सुभाष कामडी यांनी दिली.

तारुण्यात मी अनेक स्पर्धेत यश संपादन केले. त्यात 6 वेळा मी जिल्हास्तरीय, 7 वेळा राज्यस्तरीय, आणि एक वेळा जागतिक स्तरीय स्पर्धा खेळलो आहे. आजही मी अव्याहतपणे खेळ खेळतो आहे. मला या खेळातून शारीरिक तंदुरुस्थीसह मानसिक आणि आत्मिक समाधान लाभत असून माझा दिवस फार आनंदी जातो. आज वयाच्या 63 व्या वर्षी देखील मी सहज 175 किलो वजनाचे डेड लिफ्ट, 140 किलोचा स्कॉट आणि 75-80 किलोची बेंच प्रेस मारतो, असं सुभाष कामडी यांनी सांगितले.

आज मी या पावर लिफ्टिंग गेम्समध्ये मास्टर कॅटेगिरीमध्ये खेळतो. ज्यामध्ये वाजना नुसार 74 हा गट ठरवण्यात आला आहे. पोलिस विभागून निवृत्त झाल्यानंतर मी पूर्णवेळ या क्षेत्रात कार्यरत आहे. अनेकांना मी या खेळात सहभागी होण्यासाठी प्रेरित करतो, त्यांना मार्गदर्शन करतो. कारण जिममध्ये येऊन केवळ फिट रहाणे, बॉडी बनवणे या पुढे जाऊन या सलग्न अनेक क्रीडा प्रकार आज ऊपलब्ध असून त्यात करिअरच्या अनेक संधी आहे. महाविद्यालयीन स्पर्धेपासून ते जागतिक स्तरावर अनेक स्पर्धा आहेत. त्यात शासनाच्या देखील लाभ आहे. त्यामुळे तरुणाईने याकडे एक करिअरच्या दृष्टीने देखील बघायला हरकत नाही, असे मत सुभाष कामडी यांनी बोलताना व्यक्त केले.